3.6 C
New York
January 20, 2021
DardaniaNews
Featured Lajme

Dalin rezultatet edhe katër të tjerë me koronavirus – shkon numri në nëntë

Ka shkuar në nëntë numri i të prekurve me koronavirus. Vetëm sot janë konfirmuar edhe katër raste të reja. Deri tash COVID-19 është lajmëruar në Viti, Klinë dhe Malishevë.

Express

Edhe katër pacientë në Kosovë kanë dalë se janë të prekur me koronavirus. Kjo është vërtetuar nga analiza që u janë bërë sot edhe 70 personave të tjerë që kanë pasur kontakte me 5 të infektuarit e tjerë.

Burime të Express kanë thënë se gjendja e të gjithë të prekurve me COVID-19 është stabile.

Të premten u raportuan rastet e para në Klinë dhe Viti. Pastaj të shtunën në mbrëmje dolën edhe rastet e reja në Komunën e Malishevës. Të tri këto qytete janë në karantininë.

Qeveria e Kosovës ka ndarë 10 milionë euro për t’i bërë ballë virusit që është përhapur në shumicën e vendeve të botës.

Sot është njoftuar se Qeveria ka vendosur të shtyjë pagesat e kësteve të kredisë dhe ka marrë edhe masa tjera për t’u përballur me këtë situatë.

Koronavirusi ka prekur shumicën e vendeve të Europës përfshirë edhe vendet e rajonit, si Shqipëria, Maqedonia e Serbia.

Koronavirusi nisi në Wuhan të Kinës ku fillimisht virusi ishte përcjell nga shtazës e më vonë kaloi edhe te njeriu. Ende s’është gjetur vaksina me të cilën do të parandalohej shpërndarja e virusit. Për t’u mbrojtur nga ky virus kërkohet të mos kini kontakte me njerëz, të mos qëndroni në ambiente të mbyllura dhe t’i kushtoni kujdes higjienës, duke përfshirë larjen e shpeshtë të duarve.

Deri më tash, shumica e të prekurve me koronavirus janë shëruar. Kanë pasur probleme vetëm të moshuarit dhe ata që kanë pasur edhe më herët probleme shëndetësore.

Related posts

A do të shkojnë sivjet kosovarët në pushime dhe a po i vie fundi pandemisë? Flet Lul Raka!

dardanianews

Thaçi: Albin Kurti ka kënduar te Serbia, këndon edhe sot

dardanianews

Vdes pacienti i dhjetë nga COVID 19, 73 vjeçarja nga Peja kishte edhe sëmundje tjera

dardanianews