8.2 C
New York
December 4, 2020
DardaniaNews
Featured Lajme

Kurti flet për bordet e reja, i quan profesionale!

Kryeministri në dorëheqje, Albin Kurti nëpërmjet një statusi të postuar në llogarinë e tij në Facebook ka treguar vendimet të cilat i ka marrë mbrëmë në mbledhje të qeverisë së Kosovës, e cila sipas kushtetutës, konsiderohet si qeveri në dorëheqje. “Kompania Rajonale e Ujësjellësit “Prishtina” Sh.A., “Posta e Kosovës” Sh.A. dhe “Hekurudhat e Kosovës – Infrakos” Sh.A., tash kanë borde të reja e profesionale. Këto borde janë të përkohshme të cilat do të merren me ç’kapjen e plotë nga shpërdorimi dhe luftimin e krimit e korrupsionit brenda tyre”, ka shkruar Kurti.
Mbrëmë ishte mbledhja korresponduese, e 21-ta me radhë, e Qeverisë së Kosovës. Nëntë pikat e kësaj mbledhje u votuan, pra u miratuan.

Shkarkuam borde e emëruam të rinj. Kompania Rajonale e Ujësjellësit “Prishtina” Sh.A., “Posta e Kosovës” Sh.A. dhe “Hekurudhat e Kosovës – Infrakos” Sh.A., tash kanë borde të reja e profesionale. Këto borde janë të përkohshme të cilat do të merren me ç’kapjen e plotë nga shpërdorimi dhe luftimin e krimit e korrupsionit brenda tyre.
miratua edhe një nismë për lidhjen e Marrëveshjes për ndihmë të ndërsjellë juridike dhe çështjeve penale ndërmjet Kosovës dhe Konfederatës së Zvicrës. Ndihma e tillë do të ketë vëmendjen në sekuestrimin dhe konfiskimin e të ardhurave nga krimi, komunikimi i drejtpërdrejt në mes të organeve tona gjyqësore, grupeve të përbashkëta hetimore, Transferimin e Procedurës Penale, si dhe marrjen e dëshmive, duke përfshirë edhe marrjen e dëshmive përmes video-konferencës. Kështu, jemi të bindur që Sistemi i Drejtësisë do të forcohet sepse edhe do të pavarësohet.
ineastët në vendin tonë do të kenë shansin të përfitojnë koproduksion filmik, program mbështetës për shpërndarjen e prodhimit, shfaqje në rrjetin e kinemave, promovim të autorëve, prodhimeve të tyre dhe barazisë gjinore, nga fondi i Këshillit të Evropës “EURIMAGES”. Mbrëmë u aprovua propozimi për t’u anëtarësuar për këtë fond. Tani, janë profesionistët e fushës ata që do ta përpilojnë sa më mirë e sa më në detaje domosdoshmërinë e këtij fondi.

Mësueset e Mësuesit, personeli i Shkollës Fillore dhe të Mesme të Ulët “Qamil Batalli” në Prishtinë, Shkollës Fillore dhe të Mesme të Ulët “Emin Duraku” në Prizren, ai i Ministrisë së Arsimit, Shkencës, Teknologjisë dhe Inovacionit, ai civil i Drejtorive Komunale të Arsimit në Prishtinë e Prizren, ata të cilët po e mundësojnë mësimin online me aprovimin e mbrëmshëm të qeverisë do të kenë pako shtesë. Puna e mësuesit është për nderimet më të larta e ajo në asnjë asnjë formë nuk mund të shpaguhet.

Nga mbrëmë do të shqyrtohet Projektudhëzimi administrativ për Përcaktimin e Procedurave për Shkatërrimin e Strukturave të Paligjshme. Strukturë e paligjshme konsiderohet ndërtimi i paligjshëm në pronën private e që është ndërtuar pa pëlqim të pronarit. Pra, me këtë udhëzim administrativ tregohet si duhet të bëhet zbatimi i vendimeve të plotfuqishme të Komisionit për kërkesa pronësore dhe Aktgjykimeve të panelit të ankesave në Gjykatën Supreme. Kjo është edhe kërkesë në procesin për integrim evropian.

Është miratuar edhe Vendimi për përjashtim nga fushëveprimi i Ligjit për Prokurimin Publik të Republikës së Kosovës, për shërbimet telekomunikuese që ofron “Telekomi i Kosovës Sh.A.”, si shërbime me rëndësi të veçantë shtetërore.

Related posts

Shqiptarja nga Sanxhaku i shkruan Abazoviqit: Ti ke shitur kombin dhe fenë për disa miliona euro

dardanianews

Avdullah Hoti jepë dorëheqjen – Kosova shkon në Zgjedhje të jashtëzakonshme

dardanianews

Bundesliga pritet të rifillojë me 9 maj, me 126 persona në stadium!

dardanianews