2.6 C
New York
March 7, 2021
DardaniaNews
Featured Lajme

I nderuari Kadri Vesel

Veriu sot ka nevojë për shërim, jo për ‘çlirim’.

I nderuari Kadri Vesel,

Nuk dua të argumentoj për të kaluarën e Veriut të Kosovës, sepse jetët tona kanë ndryshuar, ka ndryshuar çdo gjë dhe asgjë më nuk është dhe nuk do të jetë njësoj.

Gati-gati jemi duke e jetuar atë parashikim e Profetit, që thotë: ‘Kujdes ditën kur askush-askujt më nuk mund t’i ndihmojë’.

Nuk është koha për armiqësi të reja.
Nuk është koha të forcojmë armiqësitë e vjetra.

Shih pamjet surreale gjjthkah nëpër botë, shih si kemi përfunduar të izoluar dhe pa rrugëdalje, të tmerruar nga një ‘lloj’ vdekje që nuk po i gjejnë ilaç, dhe mendo për jetën që njëherë duhet ta shpëtojmë, nëse ia dalim ta shpëtojmë.

Tash prej teje kërkohet të na mbledhni bashkë të gjithëve, pa dallim bindje politike, ashtu siç po na kërcënon vdekja, pa dallim.
Tash prej teje kërkohet të na ruani këtë pak besim që e kemi në këtë shtet të varfër, që deri tash po ia del shumë mirë ta menaxhojë situatën.

Lëre që duhet të na bashkoni si shoqëri, por sj kurrë më parë prej se ekzistojmë duhet të jemi të urtë e të mençur edhe me të tjerët, të gjithë duhet ta kemi brengë shpëtimin nga pandemia, jo politikën.

PDK me deklaratat e saj duhet të jap kontribut në ruajtjen e paqes dhe stabilitetit kombëtar, rajonal e ndërkombëtar.

Është humane t’u jepet leja mjekëve serbë të vijnë t’u ndihmojnë pacientëve serbëve, ashtu siç është normale që pacientët shqiptarë shkojnë shërohen në Beograd.

Nuk është koha për patriotizëm, për politikë, nuk është koha për ndarje të shqiptarëve, është koha për unitet dhe për bashkim. Është koha ta shpëtojmë jetën, jo t’i shpëtojmë bindjet politike.

P.S. Përndryshe, sado që po i fryni zjarrit, askush nuk e ka në plan me shku me ‘çliru’ Veriun e ‘sëmurë’ dhe të ngujuar.
Veriu sot ka nevojë për shërim, jo për ‘çlirim’.

Se i ‘pushtuar’ është prej 1999

Related posts

Nisma ia bllokon gurthyesin Haxhi Shalës, e kishte djalin aksionar

dardanianews

Thaçi përcaktohet për formimin e Qeverisë së re, i kërkon Vetëvendosjes mandatarin

dardanianews

Befason Haziri: Unë nuk i besoj qeverisë Hoti!

dardanianews