17.5 C
New York
October 23, 2020
DardaniaNews
Featured Lajme

E padëgjuar më parë: Blerim Latifi tregon se si u nda Mitrovica

Profesori universitar, filozofi Blerim Latifi përmes një postimi në Facebook, ka treguar se si ka ardhë deri në ndarjen e Mitrovicës me lumin Ibër.

Latifi duke e komentuar debatin e fundit që po zhvillohet për ndarjen e veriut të Kosovës, i quan pallavra partiake sepse as nuk e ndau Hashim Thaçi në vitin 1999 e as Albin Kurti në vitin 2020 Mitrovicën.
Sipas tij, kjo ndarje ka ndodhur në vitin 1999 në kohën kur ushtria serbe po largohej nga Kosova.

E pas kësaj, sipas tij, NATO përballej me kritika të ashpra se nuk kishte ndalur zbrazjen e Kosovës nga civilët serbë, të cilët nga frika e hakmarrjes shqiptare po iknin bashkë me ushtrinë e tyre.

Pas kësaj, sipas profesor Latifit, u krijua zona e mbrojtur e veriut që fillonte në urën mbi lumin Ibër, e pastaj këtë zonë, ai thotë se e shfrytëzuan Serbia për të vendosur strukturat e tyre paralele.

Shkrimi i plotë:

Derisa ushtria serbe po bëhej gati të largohej nga Kosova në qershorin e vitit 1999, NATO po përballej me kritika të ashpra, në të cilat akuzohej se derisa e kishte ndaluar spastrimin etnik të shqiptarëve, nuk po bënte asgjë për të ndaluar zbrazjen e Kosovës nga civilët serbë, të cilët, nga frika e hakmarrjes shqiptare, po iknin bashkë me ushtrinë e tyre.

Si pasojë e kësaj situate u krijua zona e mbrojtur e veriut që fillonte në urën mbi Ibër në Mitrovicë. Këtë zonë pastaj e shfrytëzoi Beogradi për të vendosur aty strukturat e tij paralele, të cilat kishin një mision të vetëm : kontestimin e autoritetit të Prishtinës me të gjitha mjetet.

Kjo është e gjithë e vërteta, ndërsa tregimet se Hashimi e ndau veriun në vitin 1999 dhe Albini në vitin 2020, nuk janë asgjë më shumë se pallavra partiake, që bëhen thjesht për llogari elektorale.

Related posts

Bisedë telefonike mes Kurti dhe Merkel, zbulohen detajet e bisedës

dardanianews

PARALAJMËROHET ASHPËRSIM I MASAVE, PRITET KUFIZIM RIGOROZ I LËVIZJES SË QYTETARËVE

dardanianews

26 raste të reja me koronavirus në Kosovë

dardanianews

Leave a Comment