8.2 C
New York
December 4, 2020
DardaniaNews
Featured Lajme

Prekëse, Kryeministri i sëmurë britanik është duke pritur për t’u bërë baba

Kryeministri i Britanisë së Madhe, Boris Johnson, i cili tash për tash ndodhet në kujdes intensiv në spital shkaku i koronavirusit, është duke pritur për t’u bërë baba.

Johnson është i fejuar me Carrie Symonds-in dhe pritet të bëhet baba këtë verë. Ky do të jetë fëmija i gjashtë i tij.

Ai më parë ka qenë i martuar me një grua tjetër. Me gruan e parë, Marina Wheeler, i ka katër fëmijë, ndërsa e ka edhe një fëmijë me Helen Macintyre-n, shkruan Gazeta Express.

Ministri britanik, Michael Gove, e ka pranuar se beteja e kryeministrit Boris Johnson me koronavirusin në sektorin e kujdesit intensiv në spital është vërtet e frikshme, duke shtuar se minsitrat e kabinetit qeveritar po luten për shërimin e shpejtë të shefit të tyre, transmeton “Daily Mail”.

Kryeministri Johnson u transferua në sektorin e kujdesit intensiv në spitalin “Saint Thomas” të Londrës dhe u fut në oksigjenoterapi pasi gjendja e tij shëndetësore u rëndua në masë të konsiderueshme brenda më pak se dy orëve.

Ai kishte probleme me frymëmarrjen dhe mjekët u frikësuan se do të detyrohen të përdorin respirator. Kështu, kryeministri ia ngarkoi përgjegjësitë e tij përkohësisht ministrit të jashtëm, Dominic Raab, i cili tashmë e ka udhëhequr një mbledhje të zyrtarëve qeveritarë.

Shumë liderë botërorë i kanë ofruar përkrahje dhe i kanë dëshiruar shërim të shpejtë kryeministrit britanik, përfshirë presidentin amerikan, Donald Trump, dhe atë francez, Emmanuel Macron.

Related posts

Një kompani amerikane njofton se ka gjetur vaksinën, ndaj koronavirusit

dardanianews

Vjosa Osmani, sot jep dorheqje?

dardanianews

Kosova i ka vetëm tre mikrobiologë që e bëjnë testin e COVID-19

dardanianews