22.2 C
New York
September 29, 2020
DardaniaNews
Featured Shëndetësi

Studimi i Universitetit të Cambridge: Koronavirusi shpërtheu në shtator të 2019’ës, janë tre lloje

Studiuesit e Universitetit të Cambridge, kanë arritur në konkluzionin se ka tre lloje të ndryshme koronavirusesh, që po qarkullojnë në mbarë botën.

Tipi A i virusit, mendohet se ka kaluar nga lakuriqi i natës tek njeriu, nëpërmjet një kafshe të quajtur pangolinë. Rezultatet treguan se virusi i tipit A, ishte i përhapur në SHBA dhe Australi.

Por, virusi i përhapur në Kinë, vend ku mendohet se është epiqendra e infektimit, nuk ishte ai i tipit A, por i tipit B, i cili ka qenë në qarkullim që prej krishtlindjeve.

Një tjetër variancion i virusit, është ai i tipit C, i cili është përhapur gjerësisht në Europë dhe në Singapor.
Shkencëtarët mendojnë se virusi i njohur zyrtarisht si Sars Cov-2, është duke pësuar mutacione konstante, për t’i rezistuar sistemit imunitar të popullësive të ndryshme dhe për të vijuar të përhapet.

Të dhënat që u analizuan nga shkencëtarët, tregojnë se virusi origjinal, ka qarkulluar në Kinë, që prej shtatorit 2019. Kjo do të thotë, se virusi kishte pësuar mutacione, përpara se në Kinë të regjistroheshin rastet e para me Covid-19. Në Wuhan ishin raportuar raste të një virusi misterioz në 31 Dhjetor 2019.

Related posts

Studimi mbi COVID-19: Për çdo rast të konfirmuar janë 5-10 të pazbuluar

dardanianews

Adriatik Kelmendi: Sa ka mundësi një qeveri në detyrë të shpallë “gjendje të jashtëzakonshme” pa kaluar nga Kuvendi?

dardanianews

LAJMI I FUNDIT – Ndryshojnë çmimet e derivateve në Kosovë: Ja sa kushton tani një litër naftë

dardanianews

Leave a Comment