11.2 C
New York
November 27, 2020
DardaniaNews
Featured Lajme Shëndetësi

10 kosovarë në gjendje të rëndë, 54 duke u mjekuar, të rejat e fundit me COVID-19 në QKUK

Në Klinikën Infektive të QKUK-së, janë të shtrirë për mjekim 54 pacientë të sëmurë nga Covid-19. Në pritje të rezultateve janë 7 raste, ndërsa 8 raste janë testuar dhe kanë rezultuar negativ për Covid 19, raporton Gazeta Express.

Nga këto 54 raste sa janë të hospitalizuara në Infektivë, 41 raste janë në gjendje stabile, 10 raste janë në gjendje të rëndë në trajtim me oksigjenoterapi dhe përkujdesje intensive.

Ndërkohë në mjekimin intensiv vazhdojnë të jenë në gjendje kritike tre (3) pacientë, prej të cilëve njeri është në oksigjenoterapi dhe përkujdesje intensive si dhe dy pacientë janë në ventilim mekanik.

Sa i përket stafit të Klinikës Infektive, nuk ka raste të reja të infeksionit brenda-spitalor.

E në bazë të të dhënave të fundit, në Kosovë janë gjithsej 377 raste të të infektuarve me koronavirus, 8 raste të vdekjes si dhe 63 të shëruar.

Instituti i Shëndetësisë Publike në Kosovë bëri të ditur mbrëmë se janë konfirmuar edhe 15 raste me koronavirus në Kosovë.

“Rastet pozitive janë raste kontakti, nëntë (9) raste nga komuna e Suharekës (sipas vendbanimeve në Semetishtë shtatë (7) raste dhe Vraniq dy (2) raste), tre (3) raste nga Lladovë-Gjilan dhe me nga një (1) rast vendbanimet: Nerodime e epërme-Ferizaj, Banjë-Malishevë dhe Leshak-Leposaviq”, thuhet në komunikatën në Institutit.

Po ashtu të hënën janë shëruar edhe katër pacientë që kanë qenë të infektuar me koronavirusin e ri duke çuar kështu numrin e të shëruarve në 63 persona.

Related posts

152 TË SHËRUAR DHE 224 RASTE ME COVID-19!

dardanianews

Ish-truproja e Rugovës tregon se si para 28 vjetësh një serb tentoi ta mbyste Presidentin Histotrik!

dardanianews

ShBA arreston doktorin që prodhoi dhe shiti koronavirusin në Kinë?

dardanianews