3.2 C
New York
January 18, 2021
DardaniaNews
Featured Lajme nga Bota

Të gjitha vendimet që mori sonte Gjermania lidhur me situatën e krijuar nga COVID-19

Kancelarja gjermane, Angela Merkel njoftoi sonte se masat e vendosura më herët për distancim social në Gjermani në mënyrë që të parandalohet virusi COVID-19, vazhdojnë deri më 3 maj.

Por ajo gjithashtu bëri të ditur se nga data 4 maj do të nisin mësimet nëpër shkolla dhe se kujdesi urgjent do të vazhdohet dhe zgjerohet në grupe të tjera nevojtare.

Merkel theksoi se dyqanet deri në 800 metra katrorë të zonave të shitjes, mund të rihapen, por se duhet respektuar në maksimum higjiena, kontrolli i hyrjes dhe duhet të shmangen radhët, transmeton Indeksonline.

U theksua se qytetarët nuk duhet të udhëtojnë dhe se tubimet të mëdha janë të ndaluara të paktën deri më 31 gusht 2020.

Njoftimi i plotë sa i përket masave të kufizimit nga situate e pandemisë COVID-19 në Gjermani:

🛑Kufizimet e kontaktit që kanë qenë në fuqi në Gjermani nga mesi i Marsit do të vazhdojnë deri në 3 Maj të vitit 2020🛑

-Shkollat mund të rifillojnë me punën hap pas hapi nga 4 Maj – fillimisht prioritet ka për klasat përfundimtare dhe klasat e lidhura me kualifikimin, si dhe klasën e fundit të shkollës fillore.

-Provimet dhe përgatitjet e provimeve për klasat përfundimtare të këtij viti shkollor duhet të zhvillohen përsëri.

-Konferenca e Ministrave të Arsimit ka për detyrë të paraqesë një koncept për hapa të mëtejshëm deri më 29 prill se si të rifillojë mësimet në tërësi.

-Kujdesi urgjent do të vazhdohet dhe zgjerohet në grupe të tjera nevojtare.

-Dyqanet deri në 800 metra katrore të zonës së shitjeve dhe, pavarësisht nga zona e shitjeve, shitësit e makinave, shitësit e biçikletave dhe libraritë mund të rihapen. Duke vepruar kështu, ata duhet të respektojnë higjienën, kontrollin e hyrjes dhe shmangien e radhëve.

-Berberët duhet të përgatiten që të fillojnë të punojnë përsëri nga 4 maj nën të njëjtat kërkesa dhe duke përdorur veshje mbrojtëse personale.

-Ritet në kisha, xhami dhe sinagogë, si dhe festimet fetare dhe ngjarje tjera fillimisht nuk duhet të zhvillohen.

-Qytetarëve u kërkohet të vazhdojnë të mos udhëtojnë.

-Tubime të mëdha janë të ndaluara deri të paktën më 31 gusht 2020.

Në kohën e duhur përpara 4 majit, Kancelarja dhe krerët e Landeve do të rivlerësojnë zhvillimin dhe do të vendosin për masa të mëtejshme.

Related posts

Gani Geci: A është Valon Syla i biri i serbes me emrin Oliverë (OLA)?

dardanianews

Vajza e Gani Gecit ia le një “selam” LDK’së tek nënshkrimet për seancë

dardanianews

Fisnik Ismaili: Veç për dijenin tuaj, po u kallxoj kush është Shkëlzen Gashi

dardanianews