2.5 C
New York
January 27, 2021
DardaniaNews
Featured Lajme

Kryeqyteti i Koresë Jugore shtrëngon masat, urdhëron mbylljen e lokaleve shkaku i rasteve të reja

Shkaku i paraqitjes së rasteve të reja me coronavirus, kryeqyteti i Koresë së Jugut, ka urdhëruar që të mbyllen të gjitha lokalet si baret dhe klubet e natës.

Urdhri i mbylljes së 2,100 diskove dhe klubeve të natës në Seul, ka ardhur pas shtimit të rasteve me coronavirus, pasi u gjet se 18 persona janë infektuar nga vizitori i një klubi në Itaewon.

Kjo mbyllje, mund të jetë vetëm fillimi i shtrëngimit të masave në këtë shtet, pasi nuk po mbahet distanca e kërkuar mes personave që ndodhen në një ambient të përbashkët.

“Do t’i vazhdojmë testimet, për të parë se deri ku kemi arritur”, ka thënë kryeministri Chung Sye-kyun, që tha se do të ofrojë të gjithë mbështetjen, për parandalimin e përhapjes së infeksionit.

Vlerësimi nëse karantina ka pasur sukses, apo ishte e padobishme, sipas kryeministrit korean, varet nga numri i rasteve që do të rezultojnë pasi të hapen klubet e natës, ku njerëzit qëndrojnë së bashku.

Sa më pak, apo aspak njerëz të sëmurë me coronavirus, pasi të jenë hapur këto klube, nënkupton se infeksioni është duke u larguar.

Koreja e Jugut ka shënuar deri më tani 256 viktima nga coronavirusi dhe 10,840 të infektuar, derisa 9,568 janë shëruar.

 

Related posts

Pandemia e shtyn ekspozitën për heroin Sali Çeku nga 28 Nëntori për 17 Shkurt

dardanianews

“Na detyruan amerikanët”! Klosi rrëfen takimin me shërbimin sekret serb: U morëm vesh për njëherë

dardanianews

26 raste të reja me koronavirus në Kosovë

dardanianews