7.7 C
New York
November 25, 2020
DardaniaNews
Lajme

Dy policë të Kosovës shpëtojnë një të ri i cili planifikonte të vetëvritej

Policia e Kosovës ka njoftuar se sot rreth orës 12:50 në fshatin Bardhosh ka parandaluar një person që po planifikonte të hidhej nga ura.

“Sot, më, 16.05.2020, rreth orës 12:50, një njësi patrulluese e autostradës, derisa ishte në patrullim rutinë në pjesën e autostradës Trudë-Mazgit, pikërisht në urën e autostradës në fshatin Bardhosh, kanë vërejtur një të ri që ishte duke tentuar të hidhet nga ura”, thuhet në njoftimin e Policisë së Kosovës.

Sipas policisë i riu që ishte në tentativë të hidhej po mbahej me forcë nga dy të mitur që të mos hidhej, raporton Gazeta Express.

“Zyrtarët policorë: rreshteri B.B., dhe zyrtari policor Sh.D., menjëherë kanë filluar intervenimin. Në vend-ngjarje, pos të riut që ishte në tentativë që të hidhej, në shoqëri me të ishin edhe dy të mitur që e mbanin me forcë personin që të mos hidhej. Policët duke përdorur metoda të komunikimit nga distanca dhe duke iu afruar me kujdes personit në fjalë, arrijnë të kalojnë pengesat e autostradës, ta mbajnë me komunikim derisa i afrohen dhe e marrin nën kontroll”, thuhet tutje.

Personi më pastaj është shoqëruar në Qendrën Psikiatrike të QKUK’së.

“Njësiti i autostradës ka ftuar policët e rendit nga Stacioni Policor ‘Veriu” Prishtinë që të vijnë në vend-ngjarje dhe të vazhdojnë ta trajtojnë rastin. Aty, më pas vije dhe babai i personit që kishte tentuar të hidhej nga ura. I riu më pas është shoqëruar për në Qendrën Psikiatrike të QKUK-së dhe po ashtu policia ka njoftuar edhe Qendrën për Punë Sociale. Rasti është në trajtim nga institucionet përkatëse. Policia, apelon të gjithë ata që kanë informata apo janë dëshmitarë të rasteve të tilla të thërrasin në numrin 192, në mënyrë që parandalohen raste të tilla”, thuhet në njoftimin e Policisë.

Related posts

Infermieri kosovar: Pas masave do i ftojë të gjithë pacientët për një kafe, covid19 grip i zakonshëm!

dardanianews

Vjosa Osmani, ju reagon mediave në lidhje me tokën e blerë!

dardanianews

I dashur Albin, pranoji kushtet e Isa Mustafës, ‘zbutu’ menjëherë, sepse veç njerëzit e jashtëzakonshëm lëshojnë pe

dardanianews