11.2 C
New York
November 27, 2020
DardaniaNews
Featured Kronika e zezë

Drejtori i Shëndetësisë jep detaje për 52-vjeçarin nga Istogu që vdiq nga COVID-19

Një 52-vjeçar nga Istogu është viktima e 41-të nga koronavirusi në Kosovë.  Ai ishte u trajtuar në QKUK, dhe vdiq si pasojë e infektimit me COVID-19 dhe komplikimeve tjera shëndetësore, raporton Gazeta Express

Drejtori i Shëndetësisë në Istog, Mujë Osmanaj, ka thënë për Gazetën Express se viktima ka pasur sëmundje të mushkërive.

“Viktima është dërguar në QKUK para rreth 4-5 ditësh. Ka pasur probleme shëndetësore me mushkëri, bronhit”, ka thënë Osmanaj.

Osmanaj tha se tre anëtarë të familjes së viktimës po i presin rezultatet e testimeve për COVID-19.

Tre anëtarë të familjes së viktimës po i presin rezultatet e testimeve, mostrat e tyre janë dërguar të dielën”, ka deklaruar Osmanaj.

Ndërkohë, të mërkurën në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 311 mostra të marra nga Klinika Infektive dhe gjurmimi i kontakteve të rasteve në terren, ku kanë rezultuar pozitive 95 raste.

Rastet pozitive janë nga Peja, Vitia, Prizreni, Prishtina, Mamusha, Gjilani, Gjakovës, Istogut, Lipjani, Mitrovicë, Fushë Kosova, Kllokoti, Malisheva, Rahoveci dhe Vushtrria.

Me rastet e mbrëmshme, numri i personave që kanë rezultuar pozitivv ka shkuar në 2 mijë e 363, ku prej tyre janë shëruar 1 mijë e 171 pacientë.

Ndërkaq me vdekjen e 52-vjeçarit nga Istogu, numri i viktimave të COVID-19 në Kosovë ka shkuar në 41./Gazeta Express/

Related posts

AAK kushtëzon Qeverinë: Ua votojmë buxhetin nëse bëni këtë gjë

dardanianews

Përfshirja “qëllimkeqe” e Rusisë në dialogun Kosovë-Serbi

dardanianews

Zgjedhje apo qeveri të re?

dardanianews