8.3 C
New York
December 4, 2020
DardaniaNews
Featured Lajme

Video ekskluzive nga Kuvendi: Gjyshincën nuk e kishte prekur kush me dorë

Gazeta Express ka arritur të sigurojë pamje të kamerave nga korridori i Kuvendit të Kosovës, aty ku dje u pretendua nga Lëvizja Vetëvendosje se dy deputetët e LDK-së, Kujtim Shala e Arben Gashi, sulmuan fizikisht deputetin e tyre, Gazmend Gjyshinca. Sipas deputetit të VV-së, ata i kanë shkaktuar edhe lëndime fizike, të cilat tha se mund t’i dëshmojë me raportin e mjekëve. Por, në bazë të videove të siguruara nga Gazeta Express, shihet se aty s’ka ndodhur kurrfarë sulmi fizik.

Mbledhja e Komisionit për Punë të Jashtme të Kuvendit, e ku ishte thirrur për raportim ministrja e Jashtme dhe Diasporës, Meliza Haradinaj, kishte kaluar me tensione mes deputetëve.

Kryesisht, akuza e kundërakuza kishin shkëmbyer deputetët e LDK-së, Kujtim Shala e Arben Gashi me deputetin e Vetëvendosjes, Gazmend Gjyshincën.

Tensioni kishte vazhduar edhe pasi që ishte mbyllur mbledhja e Komisionit.

Lëvizja Vetëvendosje thirri konferencë të jashtëzakonshme për media, pas mbledhjes, në të cilën folën Fitore Pacolli dhe Gazmend Gjyshinca, përderisa në sfond të tyre ndodhej një auto-ambulancë.

Autoambulanca ishte thirrur nga Grupi Parlamentar i VV-së për t’i dhënë ndihmën e parë deputetit Gjyshinca.

Sipas deputetëve të VV-së, pas mbledhjes, Kujtim Shala e Arben Gashi kanë sulmuar fizikisht deputetin Gjyshinca. Madje, ata thanë se për ta dëshmuar këtë dhunë mbi krahun e djathtë të deputetit, kanë dëshmi të mjekëve.

Kjo u demantua pas disa orëve nga Shala e Gashi, por megjithatë, kjo ngjarje u bë ngjarja kryesore e ditës së djeshme.

Gazeta Express ka arritur ta sigurojë këtë video, ku shihet momenti i përplasjes verbale mes deputetëve, por në asnjë moment nuk duket që dikush ta ketë sulmuar fizikisht deputetin Gjyshinca.

Ajo që shihet është se pasi që Gjyshinca del nga salla e mbledhjes së Komisionit, Kujtim Shala i afrohet me shpejtësi duke i thënë diçka, por jo duke e sulmuar fizikisht. Pastaj aty bëhet rrëmujë dhe deputetët e LDK-së, Kujtim Shala, Arben Gashi e Doruntinë Maloku largohen nga korridori; aty ku ata po prisnin për ta takuar Alush Gashin, Këshilltarin e Kryeministrit Hoti.

Shikojini pamjet.

Related posts

Skandaloze: Kafeneja në Tiranë mbushet me simbole të Cervena Zvezdës (FOTO)

dardanianews

Albin Kurti nuk e mohon koalicionin me PDK-në: Është herët të flasim tani

dardanianews

Dokument/Vendimi i MSH-së që hyn sot në fuqi për masat lehtësuese për tërë territorin e Kosovës

dardanianews