8.2 C
New York
December 4, 2020
DardaniaNews
Featured Lajme

Erdogan telefonon presidentin Thaçi dhe atë të Serbisë, Vuçiq

Presidenti turk, Rexhep Tayyip Erdogan ka realizuar një bisedë-telefonike me presidentin kosovar, Hashim Thaçi.

Kjo u bë e ditur në një publikim në rrjetin social Twitter, në faqen zyrtare të presidencës turke.
Në të njëjtin njoftim theksohet se Erdogan ka biseduar me presidentin Thaçi, si dhe presidentin e Serbisë, Aleksandar Vuçiq, shkruan Indeksonline.

“Janë diskutuar zhvillimet rajonale dhe hapat që synojnë forcimin e marrëdhënieve Turqi-Kosovë dhe Turqi-Serbi. Presidenti Erdogan u pajtua me Presidentin Thaçi dhe Presidenti Vuçiq për vazhdimin e bashkëpunimit të ngushtë dhe konsultave për çështje bilaterale dhe regjionale”, thuhet në njoftim.

Ndryshe Erdogan pati reaguar pas njohjes së Kosovës nga Izraeli.

Ditë më parë Thaçi tha se është në kontakt me presidentin turk, Erdogan dhe se kjo njohje s’do ta cenojë partneritetin miqësor e vëllazëror me Turqinë.

Për dallim nga Thaçi, kryeministri i vendit, Avdullah Hoti sonte hapur deklaroi se nuk ka pasur asnjë kontakt me presidentin turk Erdogan, por që sipas tij njohjet e shtetit të Kosovës nga vendet arabe janë të mirëseardhura dhe mjaftë të nevojshme./Indeksonline/

Related posts

Rekord vdekjesh nga COVID-19!

dardanianews

Merret nëpërmjet hundës, ky është ilaçi që pritet të kurojë koronavirusin

dardanianews

Deputeti i LDK kërkon “armëpushim” disajavor nga koalicioni me VV-në

dardanianews