20.6 C
New York
September 29, 2020
DardaniaNews
Featured Lajme

Trump së shpejti do ta vizitojë Kosovën

Emisari i SHBA’së për dialogun Kosovë-Serbi ka thënë se presidenti Donald Trump mund ta vizitojë shumë shpejt Kosovën dhe rajonin, por që nuk është vendosur ndonjë datë.
Kështu ka thënë ai në një prononcim për një radio serbe në Chicago, ku tha se qasja e SHBA ndaj dialogut ka qenë më ndryshe, në mënyrë që të arrihet diçka.
“Të gjithë tani janë të fokusuar në politikë, përderisa ne jemi të fokusuar në ekonomi. Duam që kapitalizmi të mbizotërojë në rajon, që përmes krijimit të vendeve të reja të punës të bëjmë atë që nuk kanë arritur tjerët, pasi u fokusuan në aspektin politik”, tha Grenell.
Ndër të tjera, ai shtoi se SHBA nuk dëshiron të ndërhyjë në zgjidhjen e problemeve, pasi dy vendet duhet t’i zgjidhin vet ato.

Grenelli po ashtu i ka thënë kësaj radioje se ka ndikuar dhe e ka nxitur Trumpin që ta vizitojë Kosovën, Serbinë dhe tërë rajonin.

“Presidenti Trump ka thënë se mezi pret të vijë në vizitë. Ende nuk kemi datë apo detaje, por tashmë e kemi tejkaluar pengesën e parë, pra që Shtëpia e Bardhë zyrtarisht pajtohen me një gjë të tillë”, ka thënë Grenell.

Këto deklarata të emisarit Grenell vijnë pas nënshkrimit të marrëveshjes Kosovë-Serbi në SHBA, nën ndërmjetësimin e presidentit Trump.

Më 4 shtator, dy vendet nënshkruan marrëveshje ekonomike mes vete, por këtu u përfshi edhe njohja e ndërsjelltë e Kosovës me Izraelin.

 

 

 

 

 

Related posts

Drejtori i Shëndetësisë jep detaje për 52-vjeçarin nga Istogu që vdiq nga COVID-19

dardanianews

Ky është orari i ri i qarkullimit për qytetarët

dardanianews

Ky është infermieri i cili u ther me thikë sot në QKUK

dardanianews

Leave a Comment