-3.6 C
New York
January 24, 2021
DardaniaNews
Featured Lajmi i fundit

Gjykata Speciale konfirmon aktakuzën e parë për krime lufte – Salih Mustafa i akuzuari i parë nga Haga

Ish-eprorit të UÇK-së në zonën Operative të Llapit, i cili e ka drejtuar njësitit të quajtur BIA, Salih Mustafa, Dhomat e Specializuara i kanë konfirmuar aktakuzën për krime lufte.


Njoftimin për këtë e ka dhënë vetë Haga përmes një kumtese për media, me të cilës është konfirmuar edhe arrestimi i parë nga Gjykata Speciale, shkruan Reporteri.net.

Salih Mustafa u arrestua sot në Kosovë nga Zyra e Prokurorit të Specializuar në bazë të një fletarrestimi, urdhri për transferim dhe aktakuzës së konfirmuar, të lëshuara nga një gjykatës i procedurës paraprake i Dhomave të Specializuara të Kosovës, thuhet në kumtesë.

“Z. MUSTAFA po transferohet në objektin e paraburgimit të Dhomave të Specializuara të Kosovës në Hagë dhe do të dalë para gjykatësit të procedurës paraprake pa vonesë të papërligjur”.

Sipas Ligjit për Dhomat e Specializuara dhe Zyrën e Prokurorit të Specializuar, policia në kuadrin e Zyrës së Prokurorit të Specializuar ka autoritetin dhe përgjegjësinë që të ushtrojë kompetencat që i janë dhënë policë së Kosovës sipas ligjeve të Kosovës. Në Ligjin për Dhomat e Specializuara dhe Zyrën e Prokurorit të Specializuar gjithashtu përcaktohet se personi kundër të cilit është konfirmuar aktakuzë, merret në ndalim në zbatim të urdhërarrestimit ose fletarrestimit të lëshuar nga Dhomat e Specializuara.

Përveç se i arrestuar i parë, Salih Mustafa është edhe ish-pjesëtari i parë i UCK-së të cilit i është konfirmuar aktakuza e ngritur nga Zyra e Prokurorit të Specializuar në Hagë.

 

 

 

Related posts

Flasin të shëruarit në Itali: Si e mposhtëm koronavirusin!

dardanianews

Në 2011-ën VV rrokulliste kamionët me mallra serbe, Haki Abazi mbështeste bizneset në Serbi

dardanianews

Osmani pajtohet me qëndrimin e deputetes gjermane se rrëzimi i Qeverisë do të jetë katastrofë për Kosovën

dardanianews