Ish-diktatori shqiptar Enver Hoxha njihej për jetën e tij plot mistere, paranojë dhe masa ekstreme sigurie. Ndryshe nga figurat publike të sotme, gjithçka rreth tij ishte e mbuluar nga sekreti, frika dhe kontrolli absolut.
Një nga personat që jetonte nën presion të vazhdueshëm ishte shoferi personal i tij. Hoxha udhëtonte me makina luksoze, përfshirë edhe famëkeqin Mercedes 600 Limuzinë, por për drejtuesin e mjetit, çdo udhëtim ishte një provë nervash.
Sipas raportimeve të Gazeta Metro, shoferi i tij duhej të respektonte 3 rregulla strikte, përndryshe pasojat mund të ishin fatale.
1. Asnjë gabim nuk falej
Në momentin që Enver Hoxha ulej në sediljen e pasme, çdo gabim, sado i vogël, shënohej. Pakujdesia nuk tolerohej dhe çdo lëvizje vëzhgohej me lupë.
2. Shoferi ishte nën mbikëqyrje të vazhdueshme
Në makinë ndodhej gjithmonë një oficer shoqërues, i cili kontrollonte çdo veprim të shoferit. Dyshimi ishte i përhershëm dhe besimi – i papranishëm.
3. Shpejtësia nuk duhej të kalonte 60 km/h
Edhe pse përdorte makina luksoze dhe të fuqishme si Mercedes Benz 300 SEL, shoferi nuk lejohej të kalonte shpejtësinë 60 km/orë, qoftë në bulevardet e Tiranës apo në rrugët ndërqytetëse.
Çdo detaj ishte i planifikuar dhe i miratuar nga ekspertë të sigurisë, ndërsa urdhrat firmoseshin personalisht nga Mehmet Shehu.
Makina që Enver Hoxha ka përdorur ndër vite përfshijnë: Fiat Millecento, Alfa Romeo, ZIM, Flamuri i Kuq, Gaz 67, Gaz 69, Cadillac, Mercedes Benz 300 SEL dhe Mercedes Benz 600 Limuzinë.
