I pari i Lidhjes Demokratike të Kosovës, Isa Mustafa, u deklarua se vijat e kuqe ndaj PDK-së u hoqën për shkak të vështirësive për të bërë zgjidhje.
Lidhur me këtë, ka reaguar ashpër edhe Halil Geci, njëri nga vëllezërit Geci nga Llausha, i cili përmes një postimi në Facebook, ka drejtuar akuza të rënda në drejtim të krerëve të LDK-së.
Ai heqjen e vijave të kuqe ndaj PDK-së e quan si tradhti. Ndërsa, thotë se e vetmja shpresë që ka mbetur në këtë parti është Vjosa Osmani.
Ja shkrimi i tij në Facebook:
Vijat e kuqe në mes LDK-s dhe PDK-s nuk kanë ekzistuar kurrë!
Kuqaloshi i LDK-së, dhe …. i Serbisë që erdhi me tupanë të shik-ut në krye të LDK-s, sot iu sosen rrenat ku vetë e pranoi se vijat e kuqe nuk ekzistojnë më për PDK-n.
Deri sot “bukuroshi” plak e ka rrejt gjithmonë elektoratin, kurse mua, dhe shumë si mua nuk ke mundur kurrë me na rrejt.
Sot haptas tregove qe e ke rrejt elektoratin për një dekadë rresht duke ju serviruar rrenat tua dhe sejmenëve tu thonë se kurrë me PDK-në, kurse gjithmonë e ke bërë të kundërtën, pra gjithmonë ke qen me PDK-në, ngase ti me tre kllosharët tu brenda LDK-së Luten, Agimin dhe Hakin keni mbetur peng i bizneseve dhe poshtërsive të kriminelëve dhe zhvatësve të vendit.
Ju jeni bashkuar se bashku me krimin dhe jeni bërë milioner duke plaçkitur popullin në forma të ndryshme. Keni bërë pasuri përrallore për të cilën jo fort larg do ta paguani me shpinën e juaj!
