Zjarri që ndodhi sonte në spitalin modular të Tetovës, ku po trajtoheshin pacientët me covid, ka shkaktuar 16 viktima sipas informatave jo-zyrtare që kanë ardhur në redaksinë e Gazetës Express.
Zjarri ka shpërthyer në ora 21:02 minuta, edhe pas intervenimit të zjarrfikësve dëmet në njerëz janë shkaktuar.
Dyshimet e para janë që eksploduar bombola e oksigjenit.
Zjarrfikësit janë në vendin e ngjarjes duke u munduar të shuajnë zjarrin që ka kapluar Spitalin modul për Covid të Tetovës.
Ministri i Shëndetësisë Venko Filipçe ka konfirmuar se ka viktima në zjarrin që ka shpërthyer në Tetovë, ndërsa numri i tyre saktë ende nuk dihet, dhe se autoritetet janë duke punuar për të konfirmuar.
Zjarri është shuar dhe të gjitha ekipet e spitalit janë mobilizuar të japin ndihmën për të lënduarit. Ato me urgjencë janë duke u transportuar për në Shkup që të ju jepet ndihma e nevojshme, ekipet e Klinikës janë të mobilizuar. Së shpejti do të kemi informacione”, ka thënë Filipçe.
Kryetarja e Komunës së Tetovës Teuta Arifi, nga spitali ka folur për rastin.
Ajo tha se ende nuk dihet për numrin e viktimave.
Për media deklaratë dha dhe edhe zv. komandanti i zjarrfikësve në Tetovë sipas të cilit rasti është lajmëruar në orën 20:02 minuta derisa zjarri është shuar në 21:45.
