Aleks Soros, djali i miliarderit spekullant të bursave, George Soros, është takuar sërish më kryeministrin Edi Rama. Si zakonisht ai ka postuar një foto në Instagram me të duke shkruar se ndodhet në Tiranë me kryeministrin dhe se Rama është njeriu që e shndërroi këtë qytet në një nga qytetet më të veçanta në botë.
Për këdo që i beson teorive se shefi i Rilindjes është një marionetë e bosit të fondacionit “Shoqëria e hapur”, këtu nuk ka asnjë lajm të ri. Soros vazhdon të lobojë për Ramën dhe asgjë nuk ka ndryshuar.
Por sipas një burimi të mirëinformuar të Lapsi.al në PS, kjo është vetëm ajo anë e medaljes që duket. “Në fakt prej disa kohësh i preferuari i pinjollit të Sorosit në Tiranë është Erion Veliaj”, këmbëngul ai për Lapsi.al. “Sot jemi në pikën kur Erioni është i paprekshëm dot nga Rama dhe kjo për shkak të mbështetjes që ka nga fondacioni” insiston i njëjti burim për Lapsi.al.
Në fakt, po ta shohësh postimin e Aleks Soros me Ramën, ai dukej më tepër si një kompesim që i bëri lavdeve që thuri në publik për Veliajn. Ai e takoi kryebashkiakun sapo mbëriti në Shqipëri dhe postimin e parë në publik e bëri pro tij.
Gjithmonë nder të jem me një nga kryebashkiakët më të mrekullueshëm të botës! Tirana është tashmë kryeqyteti i të rinjve të Evropës”- shkruajti Aleks Soros.
Kjo nuk është hera e parë që ndodh kështu. Djali i Soros, që po merret gjithnjë e më shumë me Ballkanin i ka shpeshtuar takimet me Veliajn, si në ShBA dhe këtu. Në 1 korrik të vitit që shkoi, ata u takuan në New York. Aleks shkroi publikisht: “Kënaqësi të takohem me Erion Veliajn, kryetarin e Bashkisë të Tiranës, Shqipëri në Neë York! Erioni është një nga kryebashkiakët më inovativë në botë dhe Tirana është një nga qytetet më unike dhe të transformuara në botë”.
Nuk kaloi shumë kohë dhe pritësi ia ktheu vizitën mikut. Me rastin e mbërritjes së refugjatëve afganë Aleks erdhi në Shqipëri në 1 shtator. Edhe këtë radhë lavdet nuk munguan (Poshtë).
Kush e kujton, Veliaj qe i vetmi zyrtar socialist që shkoi në Uashington përpara se të shpallej publikisht vendimi non grara për Sali Berishën, për të cilin ky i fundit ka akuzuar drejtpërdrejt Sorosin. Ai pati takime në DASh me Gabriel Escobar. Ndoshta ngjarjet mund të jenë të rastësishme, por ai qe i pari që kur u kthye i konfirmoi Ramës dhe Endri Fugës se vendimi për të goditur Berishën ishte marrë.
Pyetja që shtrohet është: “kur dhe ambasadorja Yuri Kim deklaron se as ajo nuk i di paraprakisht emrat e personave që shpallen non grata, si e dinte këtë gjë Veliaj? Mos vallë nga njerëzit e Sorosit? Mos ndoshta atij i iu caktua roli i korierit të sihariqit, për ti dhënë lajmin Edi Ramës?
E keni gabim, asgjë nuk është e rastësishme. Veliaj ka dalë nga kontrolli i Ramës. Natyrisht ai vazhdon të punojë për të. Ti bindet tekave dhe urdhrave të tij. Të përdoret si leckë si në rastin e FSHF-së, por ai është i vetmi nga ne të cilin Rama nuk e ka dot më në dorë. As e shkarkon, as ia ndalon dot kandidimin për mandatin e tretë. Dhe kjo jo se ka pushtet dhe para pa fund, por se ka nga pas Sorosin”, thotë burimi i Lapsi.al në PS.
Eshtë kotë të bësh skeptikun përnallë këtij zyrtari të lartë që pretendon se është i mirëinformuar. Ndoshta është më e lehtë të besosh se është një nga të shumtit të prekur nga virusi i teorive konspirative. Por edhe në këtë rast ai e ka përgjigjen. “Shikoni kush janë socialistët e nxjerrë nga politika prej amerikanëve, Saimir Tahiri dhe Vangjush Dako. Të dy njerëz shumë të afërt me Ramën dhe armiq të Veliajt, mos ju duket dhe kjo e rastësishme. Po su bindët unë jam i gatshëm të vë bast. Belinda Ballukun e ngrefin kot, Rama s’ka fuqi ta heqë Veliajn nga Tirana. Ai do e rikandidojë atë” thotë i bindur burimi ynë.
Gjithësesi, kjo nuk do të thotë se Soros e ka lëshuar Ramën. Ata e kanë pasur partner të fortë edhe për projektin e shkëmbimit të teritoreve dhe për Open Balkan edhe për atë të pritjes së refugjatëve.
Pra ata vazhdojnë ta mbështesin kryeministrin aktual. “Por fondacioni punon me projekt rezervë. Në fillim të viteve 2000 ata pompuan Ramën për ta pasur si alternativë ndaj Nanos. Ata kanë tmerr nga boshllëku, kur i mbështeturi prej tyre rrëzohet. Prandaj duan gjithmonë një rezervë. Këtë lojë po përsërisin edhe me Veliajn. Ata nuk duan që Rama të bjerë, por janë të përgatitur edhe nëse kjo ndodh. Pra si konkluzion, Veliaj nuk po përgatitet si kundërshtar i Ramës, por ama, nga ana tjetër, falë Sorosit ai është sot i paprekshëm prej tij”, përfundon burimi i Lapsi.al.
