Publiku i vëmendshëm i “Big Brother” nuk mund të mos e ketë vënë re ditët e fundit se mes Keisi Mejdinit dhe Krist Aliajt ka pasur një afrimitet jo të zakonshëm, ndërsa banorët e tjerë të shtëpisë e kanë vënë në dukje, madje duke hamendësuar se ka edhe pëlqim mes tyre.
Këtë gjë e ka pranuar vetë Kejsi sot në një bisedë me Oltën, e cila deri më tani ka qenë një nga personat e besuar të Kristit në shtëpi.
Aktorja nuk ka hezituar ta pyesë Mejdinin, nëse ka pëlqim për Kristin, e cila nuk e mohoi aspak.
Megjithatë, edhe pse nga Keisi mund të ketë diçka, nuk e dimë si i përgjigjet Kristi kësaj, nisur edhe nga fakti që ai ka pranuar se ka një histori jashtë, madje së fundmi është zbuluar edhe e dashura e tij që e pret.
Një histori e re dashurie brenda shtëpisë, padyshim që do i bënte gjërat më interesante.
