Këngëtarja e njohur shqiptare, Dafina Zeqiri, ka zbuluar për herë të parë barkun e rrumbullakosur në disa fotografi të publikuara së fundmi në Instagram.
Në mbishkrimin e këtyre imazheve, interpretuesja e hitit “Amazing Girl” ka zbuluar edhe detaje të tjera si gjininë e fëmijës që po pret, i cili do të jetë djalë.
Mes të tjerash, teksa pati falënderime për klinikën ku po trajtohet, Zeqiri shtoi se ka zgjedhur Kosovën si vendlindje të djalit të saj – ndonëse lindjen mundet ta kryejë edhe në vendlindjen e saj, në Suedi.
“E kam vërtetuar se në Kosovë mund të ndjehesh e sigurtë të marrësh trajtimet shëndetësore prandaj dhe kam vendosur që të lind dhe djali im të ketë vendlindjen në Kosovë, edhe pse kam pasur mundësi të kthehem ne Suedi dhe ta kryej”, tha ndër të tjerash Dafina.
Përndryshe, këngëtarja u martua në tetor të vitit të kaluar me partnerin e saj, sipërmarrësin Kreshnik Gjergji dhe ky është fëmija i parë që ata presin bashkë.
