Edhe pse ka kaluar më shumë se një vit nga ndarja e tyre, Xhensila Myrtezaj dhe Bes Kallaku vazhdojnë të jenë në qendër të vëmendjes.
Së fundmi, rrjetet sociale janë “trazuar” nga disa pamje që po qarkullojnë në ‘TikTok’, ku dyshja shfaqet bashkë në një moment të veçantë.
Bëhet fjalë për ditëlindjen e këngëtares, ku Xhensila dhe Besi shihen duke festuar dhe shijuar momente pranë njëri-tjetri, shkruan “Kosovarja”.
Edhe pas ndarjes, në paraqitjet e tyre televizive, dyshja kanë folur me respekt dhe mirënjohje për njëri-tjetrin, duke theksuar rëndësinë e kujdesit ndaj fëmijëve dhe vlerësuar kujtimet e bukura që kanë ndarë në të kaluarën.
