Në fund të shekullit XIX dhe fillim të shekullit XX, rreth 40 mijë arbëreshë u vendosën në Argjentinë, duke u bërë një nga komunitetet më të mëdha arbëreshe jashtë Italisë. Edhe pse në dokumentet zyrtare shpesh regjistroheshin si italianë, ata nuk hoqën dorë nga identiteti i tyre.
Ata ngritën lagje të tëra ku flitej arbërisht, ruajtën ritin bizantin, zakonet, festat dhe traditat e të parëve. Madje, në Buenos Aires u krijuan shoqata arbëreshe dhe kisha që vazhdojnë edhe sot të mbajnë gjallë kulturën dhe trashëgiminë shqiptare.
Nga ky komunitet kanë dalë edhe figura të njohura të politikës, letërsisë, artit dhe sportit, ndërsa shumë familje vazhdojnë të kërkojnë rrënjët e tyre shqiptare edhe pas disa brezash.Një histori që dëshmon se, edhe mijëra kilometra larg atdheut, gjuha, traditat dhe gjaku arbëror mund të mbijetojnë për breza të tërë.
