Një anije luftarake amerikane ka mbërritur sot në ujërat pranë Orikumit, në Gjirin e Vlorës, duke tërhequr vëmendjen e banorëve të zonës. Në pamjet e mbërritura në redaksinë e JOQ Albania, anija shfaqet e pajisur me një helikopter ushtarak në pjesën e pasme, ndërsa pranë saj dallohen edhe mjete të vogla lundruese.
Arsyeja e mbërritjes së anijes amerikane në këtë zonë mbetet e paqartë. Prania e saj ngre pikëpyetje nëse bëhet fjalë për një vizitë ushtarake, një aktivitet të përbashkët me forcat shqiptare apo për një tjetër qëllim.
