Një thirrje publike për protestë është bërë për 1 nëntor në Prishtinë, me kërkesën që kryeministri Albin Kurti të japë dorëheqje.
Sipas njoftimit, protesta do të mbahet në sheshin “Skënderbeu”, duke filluar nga ora 12:00.
Organizatori u ka bërë thirrje qytetarëve të Kosovës që të marrin pjesë për të shprehur pakënaqësinë dhe për të kërkuar përgjegjësi politike. Ai ka deklaruar se për protestën do të njoftohet edhe Policia e Kosovës.
“Është koha që zëri i qytetarëve të dëgjohet dhe kërkesat tona të shprehen hapur, me dinjitet dhe vendosmëri”, thuhet në thirrje.
Në njoftim, qytetarët ftohen që t’i bashkohen protestës së bashku me familjarët dhe miqtë, duke marrë me vete pankarta dhe mesazhe për të shprehur qëndrimet e tyre në mënyrë paqësore.
