Kryetari i Sindikatës së Pavarur të Radio Televizionit të Kosovës, Fadil Hoxha, ka deklaruar se ka informacione se gazetari nga Shqipëria, Adi Krasta, mund të jetë drejtor i ardhshëm i televizionit publik në Kosovë.
Hoxha ka thënë se para disa javëve në ndejë së bashku me kolegët e tij, e kishte dëgjuar këtë informacion, por i njëjti është shprehur se nuk i kishe marrë seriozisht.
“Ligji i RTK-së e ka kusht që për të qenë menaxhment i televizionit duhet të ketë nënshtetësi të Kosovës. E kjo që e publikoi Krasta, pikërisht në kohën e konkursit mbetet për me u pa. Nuk e di saktësisht”, ka thënë Hoxha në një intervistë përball Ilir Mirenës në Periiskopi.
