Ditët e fundit, këngëtari i njohur Labinot Rexha (Labi) është përfshirë në një debat publik, pasi në rrjete sociale kanë qarkulluar akuza se ai ka një lidhje dashurie me një shtetase serbe.
Këto pretendime kanë nxitur reagime të shumta dhe komente nga ndjekësit.
Për t’i dhënë fund spekulimeve, bashkëshortja aktuale e Labit ka vendosur të reagojë publikisht. Ajo ka publikuar disa fotografi nga bisedat private mes Labit dhe gruas serbe, e cila është përmendur në këto akuza. Sipas mesazheve të shpërndara, bëhet fjalë për një komunikim të zakonshëm dhe për një takim që përshkruhet si thjesht miqësor, pa asnjë nënkuptim romantik.
Nga përmbajtja e bisedave, ku flitet për një takim në ambient publik dhe në prani të personave të tjerë, nuk vërehen elemente që të sugjerojnë një lidhje sentimentale. Bashkëshortja e Labit thekson se publikimi i këtyre mesazheve ka për qëllim vetëm sqarimin e së vërtetës dhe mbrojtjen e familjes së saj nga thashethemet.
