Shkrimtari dhe intelektuali serb, Vuk Drashkoviç, kundërshtari më i fortë i Sllobodan Milosheviçit, që ka qenë dhe shefi i Diplomacisë së Jugosllavisë së fundit, ka bërë thirrje që të ndalohet kurorëzimi i kreut të Kishës serbe në Malt të Zi, në kryeqytetin historik-Cetinje.

Kjo ceremoni ka rritur aq shumë tensionet, sa edhe OKB dhe BE kanë bërë thirrje që të shmangen përplasjet.
Në një editorial në mediat malazeze, Drashkoviç shkruan se si është e mundur që në shekullin e  21 të ndodhë kjo gjë, që e konsideron një talibanizëm.

“Peshkopët predikojnë kundër feve dhe kombeve të tjera, cilët popuj janë mbrojtësit tanë dhe cilët janë armiqtë tanë, ku janë ata, ku duhet të jenë kufijtë shtetërorë. Dje, Serbia e Madhe, sot bota serbe. Vetëm serbe. Njoftimi i një rikthimi të viteve nëntëdhjetë është e tmerrshme. A e mbajmë mend se çfarë na ndodhi? Priftërinj, pastaj topa, tanke, e pastaj hajdutë?!

Jo, fesë për arsye politike. Jo talebanëve. Për të mos shkatërruar Malin e Zi. Duke mos hequr kishat dhe manastiret. Për të mos anuluar historinë e përgjakshme dhe të lavdishme malazeze. Jo kurorëzimit të asnjë peshkopi që predikon se malazezët nuk janë një popull, por bastardë, hajdutë e ustashë, kërpudha pas shiut që do të zhduken. Nuk mund të shugurohet në manastirin e tyre malazez, themeli shpirtëror i gjendjes së Mali i Zi”.

Situata është mjaft e rëndë, Peshkopi Joakinije ka insistuar që të bëjë kurorëzimin në Cetinje, ndërkohë që OKB dhe BE kanë bërë thirrje për të qetësuar gjakrat e të mos ushqehen amiqësitë.

Të dielën përpara ceremonisë së kurorëzimit, nacionaliztët malazezë, “Komitet” do të mbajnë një protestë në kryeqytetin e vjetër, ndërkohë që qeveria aktuale ka bërë të ditur se nuk mund ta ndalojë manifestimin.

Numri dy i partisë në pushtet, ai që përshkruhet si pasardhës i Milo Gjukanoviçit, përkatësisht kryebashkiaku i Podgoricës, ka deklaruar se qeveria e Malit të Zi do të mbajë përgjegjësi për pasojat.

Zëvendëskryeministri i Malit të Zi, Dritan Abazoviç u bëri thirrje qytetarëve për paqe, tolerancë dhe përmbajtje përballë kurorëzimit të Mitropolitit Joakinijes të Malit të Zi.

“Ne nuk kemi nevojë për grindje, përçarje, ne të gjithë jemi vëllezër dhe motra, ky është shteti ynë i përbashkët dhe duhet të bëjmë gjithçka për ta mbrojtur atë”, tha ai në konferencën e jashtëzakonshme të koalicionit “Bardh e Zi”.

Ai vuri në dukje se koalicioni mbështet absolutisht të gjitha thirrjet e partnerëve ndërkombëtarë për të afirmuar vlerat evropiane dhe qytetëruese dhe për t’u përmbajtur nga ngjarjet ekstremiste.

Në vitin 1991, pikërisht në një ceremoni të tillë në Cetinje, ka nisur kursi nacionalist pro Milosheviçit në Mal të Zi.
Ish-kryeministri i Malit të Zi, Dushko Markoviç, akuzon qeverinë se ka rritur tensionet në vend.

Shpërfillja e mesazheve të dërguara nga BE, dhe shumë faktorë të tjerë të besueshëm, në lidhje me dialogun e nevojshëm politik, në të cilin do të ishim të gjithë së bashku, është një nxitje e drejtpërdrejtë për të përkeqësuar më tej dhe për ta komplikuar situatën me pasoja të paparashikueshme.