Edon Zhegrova po vazhdon të tregojë aftësitë e tij të shkëlqyeshme me topin edhe gjatë seancave stërvitore me Lillen.
Ylli kosovar ka publikuar një video në llogarinë e tij në “Instagram”, ku shihet duke shënuar gol edhe nga një pozitë mjaft e vështirë, shkruan Gazeta Express.
Zhegrova me shokë po bëhen gati për ndeshjen e ardhshme në Ligue 1, në udhëtim ndaj Toulouse, që do të zhvillohet më 25 shkurt.
Kujtojmë se 24-vjeçari ka regjistruar 21 paraqitje këtë sezon në elitën e futbollit francez, teksa ka shënuar tre gola dhe ka shtuar pesë asistime. /Gazeta Express/
