Edona James dhe Gani Gërmia janë shpallur sërish banorët më të preferuar nga publiku në Big Brother VIP Kosova 2.
Këtyre i është bashkuar edhe konkurrenti tjetër i këtij formati, ish-futbollisti Lumbardh Salihu.
Ndërkohë, banorët më pak të pëlqyer gjatë kësaj kohe janë zgjedhur: Lindita Halimi, Monika Salihu e Ledi Vokshi.
Këta të tre kanë shkuar direkt në nominim për javën e ardhshme, ku njëri prej tyre do të eliminohet të premten.
Në javën e parë të këtij spektakli bashkë me Edonën dhe Ganinë i preferuar u zgjodh edhe Blero.
Në BBVK në këtë spektakël ka pasur debate të shumta e përplasje të mëdha ndërmjet konkurrentëve.
Ky shou veçse po bëhet më interesant dhe më i komentuar në bazë të veprimeve të tyre. /Telegrafi/
