Para se të shkonte në shkollë, Blondeau kishte ecur në pasarelë në një shfaqje të Jean Paul Gautier. Dy vite më vonë, ajo bëri kopertinën e revistës “Vogue Enfants”.
Në moshën 13-vjeçare ajo u shfaq në kopertinën e revistës “Jalouse”, ndërsa tre vite më parë kishte fituar titullin “vajza më e bukur në botë” nga revistat dhe mediat ndërkombëtare.
Siç pritej, ky titull e ndjek edhe sot e kësaj dite, në moshën 22-vjeçare dhe ajo vetë duket se e meriton.
Ajo ka arritur të ndërtojë karrierën e saj në fushën e modelingut, ndërsa ka bashkëpunime me shumë marka të njohura, si Dolce & Gabbana, L’Oréal dhe Versace.
Në vitin 2018, ajo lançoi linjën e saj të veshjeve, të quajtur “Heaven May” dhe fitoi një tjetër vlerësim. Ajo u shfaq në Top 100 Fytyrat më të Bukura të TC Candler.
Megjithatë, talenti i saj unik nuk është të pozojë para kamerës. Modelja nga Franca bëri debutimin e saj në aktrim në vitin 2015 në ‘Belle & Sebastian: The Adventure Continues’ në rolin e Gabriele. Madje, ajo do të luajë edhe në dy filma të tjerë, “Helvellyn Edge” dhe “Djali më i vetmuar në botë”.
Ajo nuk mendon se është “vajza më e bukur në botë”
I gjithë opinioni publik mund të ketë rënë dakord që ajo e fitoi titullin me meritë, por ajo vetë nuk është dakord.
“Të jem e sinqertë, nuk dua të flas as për veten time. Është qesharake, apo jo? Por unë luaj piano, kitarë dhe bateri. Dhe unë këndoj. Por më vjen tmerrësisht turp për gjithçka që bëj”, tha ajo.
Në një intervistë tjetër për Telegrafin, ajo tha: “Kur je e re, nuk i kushton vëmendje. Edhe sot, njerëzit më thonë të njëjtën gjë dhe unë u them ‘Unë jam thjesht një njeri’.
“Unë dhe miqtë e mi nuk flasim shumë për modelingun. Është disi si “kopshti im i fshehtë”. Por familja ime është shumë e lumtur për mua”, shtoi ajo.
Kur u pyet për komentet që mori kur ishte fëmijë për modelingun, ajo tha: “ Epo, Kate Moss filloi të merrej me modeling në moshën 15-vjeçare. Pra, jo, nuk jam vetëm unë kaq e re. Nëse keni një agjenci të mirë dhe njerëz që kujdesen për ju, është e përsosur.”
Sesioni fotografik që shkaktoi reagime
Kopertina e Vogue Paris për Thylane Blondeau, kur ajo ishte vetëm 10 vjeç, shkaktoi reagime të ndryshme. Edhe pse askush nuk e vuri në dyshim bukurinë e vajzës, të shumtë ishin ata që kritikuan konceptin e sesionit fotografik.
Në foto, 10-vjeçarja shihet duke pozuar me një fustan ngjyrë ari, me taka të larta dhe grim të rëndë. Të tjerë folën për “mjeshtërinë” e saj, ndërsa të tjerë akuzuan revistën se nuk promovon modelet e duhura për fëmijët.
Nëna e saj i tha revistës në atë kohë: “E kuptoj që kjo mund të duket tronditëse. Por më lejoni të jem e saktë… E vetmja gjë që më tronditi është se gjerdani që ajo mbante kapte vlerën e 3 milionë eurove”.
Fejesa me Dj Benjamin Attal
Thylane Blondeau ka qenë në një lidhje për 3 vitet e fundit siç dëshmohet nga llogaritë e saj në rrjetet sociale. Modelja është në lidhje me DJ parizian, Benjamin Attal.
