Pak ditë më parë “France Football” nominoi 30 futbollistë në garë për çmimin e “Topit të Artë”.
Më 29 nëntor do të shpallet edhe zyrtarisht fituesi i këtij çmimi individual, dhe tashmë po përmenden fituesit potencial të “Topit të Artë”.
“L’Equipe”, ka publikuar sot (e martë) listën e favoritëve për ta fituar këtë çmim.
I pari dhe më favoriti po llogaritet Leo Messi, 34-vjeçari ka fituar Kupën e Amerikës këtë verë, dhe ka pasur një sezon mjaft të mirë në aspektin personal.
Ndërsa i dyti është Robert Lewandowski, një sulmues që po shkëlqen këtë edicion me gola të shumtë në pothuajse çdo ndeshje.
Polaku llogaritet favorit absolut ta marrë “Topin e Artë” vitin e kaluar por ky çmim nuk u dha fare shkaku i pandemisë së COVID-19.
Ndërsa i treti gjendet Karim Benzema, franezi po shkëlqen këtë edicion me fanellën e Real Madridit.
Benzema përveç lojërave të mira me “Madrilenët”, ka dhënë kontribut të madh edhe te Kombëtarja e Francës duke fituar së fundmi Ligën e Kombeve.
Ylli i Chelseat dhe Italisë, Jorginho, është i vetmi mesfushori që ka gjasa për çmimin, por ai në vitin 2021 ka qenë më i suksesshëm se kushdo tjetër.
Jorginho fitoi në Euro 2020 me Italinë disa muaj pasi fitoi Ligën e Kampionëve me Chelsean. Këtyre ia shtoi edhe Super Kupën e UEFA- tij, dhe ai tani është lider në Ligën Premier me Blutë.
Pasi tashmë ka fituar çmimin si “Lojtari i Vitit për meshkuj nga UEFA” këtë vit, Jorginho shihet si kandidatët kryesor.
Cristiano Ronaldo, ky njeri nuk mund të llogaritet kurrë jashtë garës. Në moshën 36 vjeçare, Cristiano Ronaldo nuk po tregon asnjë shenjë ngadalësimi, pasi kohët e fundit u transferua në Manchester United, ku ai tashmë ka shënuar pesë gola në gjashtë ndeshjet e tij të para.
Me pesë trofe të “Topit të Artë”, i pari prej të cilëve erdhi në 2008, 13 vjet më parë, Cristiano Ronaldo nuk mund të llogaritet kurrë jashtë garës.
Sidoqoftë, gara po duket e ashpër, teksa mbetet të shihet se kush do ta fitojë “Topin e Artë” 2021.
