Pas ditëve të spekulimeve që mbushën rrjetet sociale, Lela Seferi ka thyer më në fund heshtjen e saj.
Ish-banorja e Big Brother VIP Kosova publikoi në Instastory një mesazh që duket si një reflektim i qartë pas ndarjes nga partneri i saj, Leo.
“Të gjithë mund të premtojnë, por jo të gjithë mund ta mbajnë atë premtim”, ka shkruar ajo në një sfond të errët, duke lënë pas vetes një nuancë zhgënjimi dhe qetësie njëkohësisht.
Postimi i Leles vjen vetëm pak ditë pasi Leo foli për Prive by Liberta Spahiu, duke e konfirmuar zyrtarisht krizën mes tyre me fjalët: “Senet jon qashtu qysh pi shini, s’kam çka me shtu ma shumë.”
Dyshja, që dikur u konsideruan si një nga çiftet më të pëlqyer të reality show-t, kanë fshirë fotot e përbashkëta nga rrjetet sociale, por vijojnë ende të jenë në ndjekje të njëri-tjetrit.
Ndërkohë, ndjekësit nuk kanë ngurruar të lexojnë postimin e Leles si një mesazh me domethënie të fortë, që vjen në momentin kur heshtja po fliste më shumë se fjalët. /Prive By Liberta Spahiu
