Çifti më i përfolur i showbiz-it shqiptar, Luiz Ejlli dhe Kiara Tito, kanë nisur zyrtarisht xhirimet për filmin e tyre të parë së bashku. Lajmi është konfirmuar nga vetë Luizi, i cili ka ndarë një video në Instagram ku shfaqet në setin e xhirimeve, duke i emocionuar fansat e shumtë që kanë ndjekur historinë e tyre që nga shtëpia e “Big Brother VIP”.
Në videon e publikuar, Luizi tregon përkushtimin e tyre maksimal ndaj projektit, duke theksuar se ky film do të jetë një eksperiencë unike për të dy. “Jemi futur thellë në role, nuk është lojë, është projekt serioz,” – u shpreh ai me entuziazëm.
Ky është bashkëpunimi i parë i çiftit në fushën e kinemasë, pas suksesit të madh që korrën në televizion. Historia e tyre e dashurisë, që lindi dhe u zhvillua në reality show-n më të ndjekur në vend, i ktheu në një nga çiftet më të dashura për publikun shqiptar.
Fansat kanë shpërthyer me komente pozitive në rrjetet sociale, duke pritur me padurim daljen e filmit në kinema. “S’ka dyshim që do jetë hit,” – shkruan një ndjekës. “Dyshja më e dashur tani edhe në film – mezi presim!”, thotë një tjetër komentues.
Ende nuk janë dhënë shumë detaje për skenarin apo datën e publikimit të filmit, por pritshmëritë janë të larta dhe zërat për një sukses të radhës nuk mungojnë.
