Një fotografi që ka nisur të qarkullojë këtë mbrëmje në rrjete sociale ka ngjallur menjëherë reagime. Në të shihen moderatorit Meriton Mjekiqi dhe aktorja Erjola Doçi duke shkëmbyer një puthje, çka u interpretua në shumë media si konfirmim i një romance mes tyre.
Por, sipas informacioneve të siguruara nga AlbanianPost, fotografia nuk dëshmon një lidhje intime, por është pjesë e një skene filmike që dyshja kanë xhiruar së bashku. Projekti kinematografik është në zhvillim prej kohësh dhe ka përfshirë emra të njohur të showbizit shqiptar.
Në kastin e filmit, muaj më parë, është përmendur edhe Lumbardh Salihu, fituesi i Big Brother VIP Kosova 2, duke shtuar edhe më shumë kureshtjen e publikut për përmbajtjen e këtij produksioni.
Për momentin nuk ka detaje të tjera mbi subjektin e filmit, por fotografia e shpërndarë ka treguar fuqinë e imazhit për të ndezur debate dhe të përdoret për një fushatë virale të marketingut.
