Gavin Keeney, 10-vjeçari nga Oklahoma është një hero i vërtetë. Kamerat e shtëpisë kanë kapur momentin kur ai e shpëtoi nënën e tij nga mbytja në pishinë.
Lori Keeney tha se të dy po kalonin një “mëngjes të mrekullueshëm” kur vendosi të notonte në pishinë.
Keeney vuan nga epilepsia dhe sëmundja e ka kapur pikërisht në momentin e hedhjes në pishinë. Gavin, i cili ishte në verandë, tha se dëgjoi një zë të çuditshëm dhe më pas e vërejti nënën e fundosur në pishinë.
Ai vrapoi u hodh në pishinë dhe arriti ta nxjerrë në shpejtësi nënën mbi ujë duke shpëtuar jetën e saj. Departamenti i Policisë së Kingston i ka dhënë 10 vjeçarit një çmim për guxim./Indeksonline/
