Edicioni i tretë i Big Brother VIP Albania ështe një nga fenomenet më të diskutuara në rrjetet sociale, duke bërë që të gjithë të mësojnë lajme dhe spekulime të reja për të.
Një prej personazheve më të diskutuara të këtij edicioni është Ilnisa, e cila tashmë është eleminuar nga shtëpia, por vazhdon të mbetet në qendër të vëmendjes së publikut.
Ilnisa, e cila u largua nga shtëpia disa javë më parë duke lënë pas të dashurin e saj Meritonin, ka shtuar spekulimet e fansave me një postim të fundit në rrjetet sociale.
Duke njoftuar udhëtimin e saj nga Saranda për në Tiranë, ajo la të hapur mundësinë e një rikthimi të papritur në shtëpinë e Big Brother.
Për të shtuar misterin, ajo përfundon postimin me fjalën “Ajo po vjen”, duke lënë të panjohur qëllimin e saj të vërtetë.
Ndërkohë, fansat dhe ndjekësit e këtij reality show presin me padurim për të zbuluar nëse Ilnisa do të rikthehet në shtëpi si banore apo për të surprizuar Meritonin.
