Një zë i fuqishëm nga Gaza ka bërë bujë në rrjet: reperi i ri palestinez, MC Abdul, ka publikuar këngën e tij më të re me titullin “Shouting At The Wall” (Duke bërtitur te Muri).
Kjo këngë prekëse sjell ndjenja të thella dhimbjeje, qëndrese dhe shprese – duke reflektuar realitetin brutal me të cilin përballen banorët e Gazës çdo ditë.
Me tekst të fortë dhe interpretim emocional, MC Abdul sjell përmes muzikës zërin e një brezi që kërkon drejtësi dhe dinjitet në mes të një konflikti të pambarimtë.
Pavarësisht moshës së re, ai ka fituar vëmendjen e rrjeteve sociale për stilin e tij të sinqertë dhe për mënyrën autentike se si përçon mesazhe sociale e politike përmes repit.
“Shouting At The Wall” po shpërndahet gjerësisht ndërkombëtarisht dhe shihet si një thirrje artistike nga zemra e një populli nën rrethim. /Telegrafi/
