Sergio Ramos ka qenë protagonist i një gjesti të shëmtuar mbrëmë.
Pas ndeshjes mes Paris Saint-Germainit dhe Bayern Munichut, futbollisti spanjoll doli nga kontrolli derisa ishte duke u përshëndetur me tifozët parisienë prapa portës.
Në fakt, ish-futbollisti i Real Madridit e kritikoi fillimisht një fotograf, që i ishte afruar shumë nga prapa, ndërsa më pas e bëri gjestin skandaloz duke e shtyrë me krejt fuqinë një fotograf tjetër, i cili po e kryente punën e tij, shkruan “Gazeta Express”.
Ky veprim anti-sportiv i përfaqësuesit spanjoll është kritikuar me të madhe në rrjetet sociale, derisa në këtë veprim ka mundur të ndikonte edhe nervoza që e kishte ai pas humbjes nga gjiganti bavarez në ndeshjen e parë të së tetës së finales së Ligës së Kampionëve.
Ramos ka qenë gjithmonë lojtar i ashpër dhe ka ditur të fjaloset dhe të kacafytet me lojtarët kundërshtarë, por një veprim i tillë nuk është parë asnjëherë më herët. /Gazeta Express/
