Janë publikuar pamje të rralla të bashkëpunëtorit të Ibrahim Rugovës, ish gazetarit, Enver Maloku, i cili mbeti i vrarë më 11 janar të vitit 1999.
Maloku u qëllua për vdekje pak metra prej banesës së tij në përdhese të një blloku banesash në Breg të Diellit, në sytë e gruas dhe të fëmijëve, dhe ndërroi jetë pak minuta më vonë në spitalin e Prishtinës.
PAmjet e publikuara janë të vitit 1992, koha kur Enver Maloku mbante ligjëratë në Podujevë.
“Ligjëratë e Enver Malokut në Tribunën “Lëvizja Studentore 81-92” në Podujevë mars 1992, “Pavarsia e Kosovës është shpallur në zemër të popullit” A. Demaçi, “Lavdi Dëshmorve”, “Kosova 81-92” …”, thuhet në përshkrimin e videos së postuar në facebook, shkruan “Bota sot”.
