Teksa Egli Tako debatonte me tone të larta me Gertën dhe Valbonën, mesa duket përmendi diçka të ndaluar nga Vëllai i Madh, duke qenë se menjëherë erdhi vërejtja, tashmë e njohur për të gjithë: Kujdes mikrofonin!
Kjo ka bërë që Egli, në gjaknxehtësi e sipër të tregojë për një kontratë që mesa duket të gjithë banorët janë detyruar të firmosin: Emri i Xhenetës, ish të dashurës së Gjestit, nuk duhet të përmendet.
‘Jo, jo, jo, mos më thoni mua ‘Kujdes’. Kujdes t’i thoni kësaj kur i përmendi emrin, mos më thoni kujdes mua. Ka thyer rregull tjetër, ka përmendur prapë emrin e ish-partneres së Gjestit, kur firmosëm që të mos përmendej më, 20 mijë euro e ka gjobën‘-thotë Egli.
Kjo vërteton shkrimin e “Pamfleti”, sipas të cilit, Xheneta dhe producentët e Vëllait të Madh nuk kanë arritur një marrëveshje mes tyre. Për këtë arsye, pas intervistës në Fan Club, ish-banorja e Big-ut të Kosovës u shpall ‘Non grata’ nga TCH.
