Ish-finalistja e njohur, Xheneta Fetahu, do të shkelë sërish sot në shtëpinë më të famshme në Kosovë. Megjithatë, këtë herë ajo nuk hyn si banore, por vjen me një rol krejtësisht ndryshe.
Sipas njoftimit zyrtar, qëndrimi i Xhenetës do të jetë i kufizuar në vetëm 24 orë.
Ajo hyn brenda me një mision të veçantë, detajet e të cilit pritet të zbulohen gjatë bashkëjetesës së saj të shkurtër me banorët aktualë.
Ky rikthim pritet të sjellë dinamika të reja dhe surpriza për konkurrentët, të cilët nuk e presin praninë e ish-banores në këto momente të lojës.
