Ish-prezantuesja e RTK-së, Lola Haradinaj, ka ndarë me ndjekësit e saj në Instagram një imazh të veçantë, ku shfaqet krah bashkëshortit të saj, deputetit Daut Haradinaj, në një paraqitje që ka tërhequr vëmendjen e të gjithëve.
Fotografia është realizuar në dasmën e vëllait të saj, një ngjarje familjare që u mbajt para pak ditësh dhe që u shndërrua në një festë të elegancës dhe stilit. Të dy u shfaqën të koordinuar deri në detaj, me një stil klasik por tejet tërheqës.
Lola kishte zgjedhur një fustan të artë, me shkëlqim delikat dhe prerje që i vinte në pah siluetën. Ngjyra e fustanit, një përzierje mes të artës dhe të bronztës, i përshtatej në mënyrë perfekte tenit të saj të nxirë, ndërsa modeli i hapur në supe shtonte një dozë elegance dhe feminiteti.
Aksesorët e saj, një çantë me zinxhir të artë dhe vathët diskretë, plotësonin me finesë të gjithë pamjen glamuroze.
Ndërkohë, deputeti nga Deçani kishte zgjedhur një kostum klasik të zi me kravatë të errët, duke reflektuar seriozitetin dhe rafinimin që e karakterizon.
Syzet e zeza i jepnin paraqitjes një prekje moderne dhe misterioze, ndërsa qëndrimi i tij i sigurt krah bashkëshortes e përforconte imazhin e një çifti të harmonizuar dhe me klas.
@Drenusha Xharra #dress @Jannaisufi #makeup ♬ original sound – Lola Haradinaj
Postimi i Lola Haradinajt në Instagram është shoqëruar me shumë komente pozitive dhe komplimente nga ndjekësit, që kanë vlerësuar si përzgjedhjen e tyre të veshjes ashtu edhe energjinë që ata reflektojnë si çift. /Telegrafi
