Një tragjedi ka ndodhur në një spital Covid në rajonin e Gaziantep të Turqisë. Shpërthimi i një bombole oksigjeni i ka marrë jetën 9 pacientëve që ishin duke u trajtuar aty.
Mësohet se shpërthimi ka ndodhur në një spital privat. Përpos viktimave, ka edhe të plagosur në gjendje të rëndë.
Sipas mediave turke, pacientët që po trajtoheshin në këtë spital janë dërguar me urgjencë në spitale të tjera. Ata ndodhen në kujdes intensiv.
“14 pacientët e tjerë që ishin në kujdes intensiv u transferuan në spitale të tjera. Një hetim ligjor dhe administrativ ka nisur për këtë situatë”, bëjnë të ditur autoritetet turke.
Nuk dihet ende shkaku i qartë pse bombola e oksigjenit ka shpërthyer. 9 pacientët e shtruar kanë vdekur për shkak të flakëve.
