E dhimbshme: Babai mitrovicas do ia dhurojë veshkën djalit, por i duhen 23 mijë euro për operacion

I riu mitrovicas, Berat Sefedini, vuan nga një sëmundje e veshkës dhe operimi, i cili do të kryhet në Turqi, do t’i kushtojë 23 mijë euro, shkruan Gazeta Sinjali.

Babai i tij, i cili do ia dhurojë veshkën të birit, thotë se familja nuk ka mundësi që të mbulojë shpenzimet e transplantimit të veshkës.

Andaj, familja kërkon ndihmën e qytetarëve për t’i mbledhur paratë e nevojshme.

“Me zemër të thyer, ju lutemi që kushdo që ka mundësi të kontribuojë sado pak, për ta shpëtuar vëllain tonë”, thuhet në postimin e familjarit të tij.

Të dhënat për të ofruar ndihmë financiare i gjeni më poshtë.

Postimi i plotë:

Të dashur qytetarë,

Nuk mund ta përshkruajmë me fjalë sa të vështirë e kemi ta bëjmë këtë thirrje publike, por nuk kemi rrugë tjetër, për ta shpëtuar vëllain tonë Beratin i cili po përballet me një sëmundje të rëndë.

Vëllau ynë i dashtur Berati, 35 vjeçar, vuan nga një sëmundje e veshkës. Baba i Beratit do ta dhurojë veshkën e tij për të birin, por operimi për transplantimin e veshkës duhet të kryhet në Turqi, pasi që nuk mund të kryhet në Kosovë.

Çmimi i operacionit është 23 000€, të cilën ne si familjarë nuk kemi mundësi ta mbulojmë.

Prandaj, me zemër të thyer, ju lutemi që kushdo që ka mundësi të kontribuojë sado pak, për ta shpëtuar vëllain tonë.

E dimë se ne s’do të mund t’ua kthejmë kurrë, por do të lutemi gjithë jetën tonë që All-llahu t’ua shpërblejë me të mirat e tij kontributin tuaj.

Secilin donacion mund ta dërgoni në të dhënat e bashkangjitura më poshtë.

XK051305003600572811 – BPB

Nga thellësia e shpirtit, FALEMINDERIT!/Gazeta Sinjali/