Gazetari Alban Selimi ka qenë dëshmitar i një ngjarje të rëndë në QKMF-në në Prishtinë, ku një prind e ka sjellë fëmijën e tij 4-vjeç në gjendje të rëndë shëndetësore, me temperaturë të lartë dhe me gjakderdhje nga hunda.
Gazetari rrëfen se prindi së bashku më fëmijën pasi dolën nga dhoma e mjekut për të marrë një udhëzim që të nisej për në spital, prapa tij shkoi edhe mjeku i ri i quajtur Muhamet Ademi.
Doktor Ademi, sipas gazetarit Selimi, ia dha prindit një shumë parash, anipse prindi ka insistuar që do të bënte “zgjidhje vetë”.
“Doktori me ngulm insistoi; ia la parate ne xhep dhe u kthye ne dhome me shpejtesi. Nderkohe meqe kisha edhe pak pune aty, e kuptova qe ishte ky Dr. Muhamet Ademi, specialist i mjekesise familjare; nje djale i ri ne moshe; (qe as nuk e njoh as nuk e pyeta nga eshte) por qe nje gjest si ky na ben te kemi besimin ne nje gjenerate te re njerezish profesioniste”, shkruan Selimi, transmeton Express.
