Olta Gixhari ishte një prej banoreve më të përfolura në shtëpinë e “Big Brother VIP Albania” që nga dita e parë dhe deri në momentin kur ajo vendosi të largohej nga gara me dëshirën e saj.
Edhe pse kanë kaluar rreth 2 javë që nga dalja e saj, aktorja vazhdon ende të komentohet nga banorët në shtëpi dhe së fundmi ajo ka postuar një status ironizues në Twitter.
Aktorja shprehet se kaq shumë herë sapo përmendet brenda në shtëpi ka filluar të mendojë se tashmë mund të fitojë BBVIP dhe pse ndodhet jashtë saj.
“Realisht po mendoj që mund ta fitoj BBVIP edhe pse jam jashtë. Kaq shumë sa po më përmendin jam e bindur që në finale do kem shanset e mia”, ka shkruar Olta.
E ftuar në “Shqipëria live”, motra e Oltës, Gerta Gixhari tha se Olta nuk është penduar që ka dalë, por si lojtare do ekzistojë deri në finale pasi emri i saj vazhdon të përmendet.
