Gjesti ka befasuar të gjithë mbrëmjen e djeshme (e martë) me kalimin e tij në Big Brother VIP Albania 4.
Dhe kjo ndodhi akoma pa u bërë 24 orë nga largimi i spektaklit në Kosovë, Big Brother VIP, pas një eliminimi kokë me kokë me Drilon Ramën.
Ai siç shihet nuk ka të ndalur dhe ky veprim bëri bujë të madhe e mori vëmendjen e të gjithëve.
Pak para se të hynte në BBVA, këngëtari pejan kishte realizuar një video, e cila më pas u nda në profilin e tij zyrtar në Instagram.
“Jam i lodhur, i rraskapitur, por sërish ka puls. U kry çdo sen”, kanë qenë fjalët e Gjestit.
“Sen s’ka qenë ajo, s’ka qenë lojë, nxemje ka qenë. Vazhdojmë”, theksoi tutje artisti.
Me të hyrë, ai i dha një energji të mirë shtëpisë, ndonëse dinamikat atje ndërrojnë vazhdimisht. /Telegrafi/
