Në një incident të fundit në shtëpinë e Big Brother VIP Albania, gjatë festës së dasmës së Jozit dhe Loredanës, banorja Gerta hodhi birrë në fytyrën e Gjestit.
Si pasojë, Gjesti u detyrua të largohej nga shtëpia për të marrë mjekimin e nevojshëm, duke u rikthyer disa orë më vonë.
Ky veprim ka shkaktuar reagime të forta, jo vetëm brenda shtëpisë, por edhe në rrjetet sociale. Shumë shikues kanë shprehur indinjatën e tyre ndaj Gertës, duke e kritikuar ashpër për sjelljen e saj.
Në një postim të fundit ku është etiketuar moderatori Ledion Liço, faqja zyrtare e spektaklit është përmbytur me komente negative, ku ndjekësit kërkojnë përjashtimin e Gertës nga gara.
Komentet variojnë nga thirrje si “Populli nuk harron. Gerta jashtë” deri te “Nëse nuk e përjashtoni Gertën, keni për të qenë më të poshtrit” dhe “Drejtësi për Gjestin”.
