Presidenti amerikan, Donald Trump, do të vendosë brenda dy javësh nëse SHBA-ja do ta sulmojë Iranin.
Ai ka thënë se dëshiron që t’u japë hapësirë përpjekjeve diplomatike para se të mbërrijë koha për vendim final për përfshirjen amerikane në luftime.
“Bazuar në faktin se ka shans të konsiderueshëm për negociata që mund të zhvillohen ose jo me Iranin në të ardhmen e afërt, do të vendos nëse do të hyjmë apo jo, brenda dy javëve të ardhshme”, ka thënë presidenti Trump, sipas komunikatës që u lexua nga sekretarja për media, Karoline Leavitt, nga Shtëpia e Bardhë.
Nga e premtja, Irani po e sulmon Izraelin, pasi të premten shteti hebre ia sulmoi bazat ushtarake e bërthamore. Gjatë ditës u raportua se Trumpi po mbështet përfshirjen amerikane.
